Plantun de Prouvènço

Pèr coumpara dos planto d'encò nostre

Gagea villosa & Abies alba

Gagea villosa

Liliaceae Liliaceae

Noms en français : Gagée velue, Gagée des champs.

Descripcioun :
Aquesto estello-jauno se vèi encaro dins lis ermas e li meissoun emai siegue en regressioun. Se recounèis à si fueio de la cambo larjo de 5 mm e grando que dounon d'èr à de bratèio souto li flour (fotò). Au contro, li fueio basalo soun espesso, larjo de 2 à 4 mm e enca mai longo. La planto èi pelouso, majamen li pecou e li tepalo .

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 15 cm
Fueio : basalo
Tipe bioulougico : Geoufite
Cicle bioulougico : Planto renadivo

Gènre : Gagea
Famiho : Liliaceae
Famiho classico : Liliaceae

Ordre : Liliales

Coulour de la flour : Jauno
Petalo : 6
Ø (o loungour) flour : 20 à 24 mm
Flourido : Printèms Ivèr

Sòu : Ca
Autour basso e auto : 0 à 1800 m
Aparado : Noun
Mars à abriéu

Liò : Meissoun - Ermas - Cimentèri
Estànci : Mesoumediterran à Mountagnard
Couroulougi : Éurasiatico
Ref. sc. : Gagea villosa (M.Bieb.) Sweet, 1826

Sapin

Abies alba

Pinaceae

Àutri noum : Sap, Sapino, Abet, Sapi.

Noms en français : Sapin pectiné, Sapin blanc.

Descripcioun :
Pèr pas s'engana emé la serento fau regarda coume soun lis aguio o peréu li pigno (o vacheto). Li fueio dóu sapin soun tóuti dins lou meme plan coume un penche, au contro de li de la serento que soun estacado tout à l'entour de la ramo coume uno brosso. De nouta pamens qu'acò marcho pas pèr d'ùni sap fourestié (coume Abies pinsapo). Li pigno, quouro li poudès vèire, se tènon bèn drecho, alor qu'encò de la serento pendoulon.

Usanço :
La pegoulo (bijoun) dóu sapin èi di proun vulneràri. Ero acampado emé de boutihoun coupa en biais e tanca dins li bosso de la rusclo (O. Madon). S'emplegavo en emplastro sus lis estorso (P. Lieutaghi) o dins li tisano contro lou toussi.